البنت المصرية لما ترتبط بولد

__ البنت المصرية لما ترتبط بولد واليكم سيناريو مضمون كله أو معظمه ^)

لو جه هوة اللى كلمها يبقى مدلوق عليها
لو هى اللى كلمته يبقى مغرور وشايف نفسه

لو قالها نعرف بعض شوية يبقى بيتسلى و بيلعب بيها
ولو قالها نرتبط يبقى لازم يجيب كل اللى الأهل عايزينه (طبعا مش بقى صعب انما بقى مستحيل)

لو بقى معاها علطول يبقى فاضى وصايع ومش وراه حاجة
ولو سابها مرة تروح لوحدها مبقاش مهتم بيها

لو مكلمهاش كل يوم 30 مرة يبقى مش بيحبها
ولو كلمها لحد ما يفلس يبقى مش بيفكر صح للمستقبل

لو جبلها هدية فى كل مناسبة يبقى بيضيع فلوسه وكمان ممكن الهدية متعجبهاش
لو مجبلهاش ولو فى مرة واحدة يبقى انانى ومش بيفكر فيها

لو حبها وفيها عيوب وحاول يصلحها يبقى بيتحكم فيها
لومحاولش يصلحها يبقى مش بيحبها ويطلع عينه وتقوله انة لازم يحبها زى ما هى ^)

لو فيه حاجة مدايقاه وقالها يبقى بيتلكك
ولو مقلهاش يبقى قلبه اسود وبيحوش

لو هى بتغير عليه يبقى عشان بتحبه
ولوهو بيغير عليها يبقى بيخنوقها

لو قالها متكلميش فلان يبقى عايز يقطع علاقتها بكل أصحابها
ولو هى قلتلوا متكلمش فلانة يبقى عشان أكيد هوة اللى عينوه زايغة

لو خرجوا مع بعض وقالها تروحى فين يبقى مش عارف يتصرف
ولو مسألهاش يبقى عايز يخرج على مزاجه

لو حب يخرج مع أصحابة يبقى أنانى ومش بيفكر فيها وهى قاعدة لوحدها
لو هى حبت تخرج مع أصحابها يبقى شئ طبيعى عشان همة بنات #)(

لما يطلع عمرو دياب ولا كاظم فى التليفزيون تبقى هتموت عليه وده شئ طبيعى عشان مين اللى ميحبش عمرو؟!
ولو هوة بص لأى واحدة فى التليفزيون يبقى عشان رمرام وعينه زايغة :"":

لو حاول يبوسها يبقى سافل وصايع
لو ما حاولش يبقى بارد ومعندوش مشاعر

لو مسك ايدها يبقى عشان عايز حاجة مش كويسة
لو هية اللى مسكتها طبعا عشان بتحبة

لوهية قعدت فترة متكلمهوش يبقى أكيد عشان مش عايزة تعطله
ولو هوة مكلمهاش عشان امتحانات ولا حاجة يبقى عشان عايز يطنشها ^)

لو سأل عليها كل شوية يبقى ده طبيعى
ولو مرة واحدة مسألش يبقى أكيد مبقاش يحبها

لو هوة خارج من علاقة يبقى بتاع بنات
ولو هية خارجة من علاقة يبقى أكيد مظلومة وانضحك عليها
لو قالها نعرف الناس كلها اننا بنحب بعض يبقى عايز يشردلها
ولو قالها نستنى شوية يبقى أكيد ناوى يفلسع

لو مشتغلش يبقى مش بيفكر فى المستقبل ومش عارف يكفى طلباتها هى أو أهلها
ولو اشتغل أى حاجة يبقى مش عايز يحافظ على المظهر والبرستيج بتاعها أدام الناس

لو حصله مشكلة واتخنق شوية يبقى كئيب ومقرف
ولو هية اللى مخنوقة يبقى أكيد عشان حساسة

لو سقط بسببها يبقى عشان ملوش هدف
ولو هية سقطط يبقى عشان بتموت فية وبتفكر فية ليل ونهار

لو كدب عليها يبقى غشاش ومخادع
لو هية كدبت علية يبقى عشان مش عايزة تزعله

لو مبقاش 24 ساعة رومانسى يبقى أكيد بيفكر فى حد تانى
ولو بقى علطول رومانسى هتقوله استرجل شوية دانا أرجل منك

لو فى مرة جبلها هدية أو خرجها من غير مناسبة يبقى عشان عمل غلطة وعايز يداريها
لو هى اللى عملت كدة يبقى عشان الحب

لو حصل خناقة بينهم وخللى حد يحكم يبقى عايز يفضحها ويطلعها غلطانة علطول
ولو هى اللى دخلت حد بينهم يبقى طبعا عشان هوة ظالم ولازم حد ينصفها

لو حصل موقف مؤثر وعيط يبقى تافه ومش راجل
لو متأثرش بيه يبقى قاسى وقلبه حجر^)

لا حول ولا قوة الا بالله
ليه كده بس الكلام اللي يوجع البطن ده ؟
يا رجال العالم .. رفقا بالقوارير
المرأة .. خلقت من ضلع الرجل .. من ناحية القلب ... خلقت من ضلع اعوج .. اذا ذهبت الى اعلاه لتقيمه كسرته ..المرأة تكسبها بكلمة .. وتخسرها بكلمة ..
المرأة هى النبع الذى ينهل منه الرجل دوما .. هى الرحم .. هى الحضن الذى يحتويه صغيرا..هى الحبيبة .. هى الزوجة وهى السكن .. لماذا اصبح الرجال يتصيدوا لهن الاخطاء .. او لماذا صار الرجل و المرأة يتصيدون لبعضهم الاخطاء .. لماذا الحرب ؟ والفائز ماذا سيجنى بفوزه ؟
اللي عنده اجابه يلحقني بيها !!!

ياعم قول شكرااا حتي

فعلا معظم الكلام ده صح بس لو فى حب بجد يبقى كل ده مالوش مكان بين الاحباب

yerigagarin كتب:: لا حول ولا قوة الا بالله
ليه كده بس الكلام اللي يوجع البطن ده ؟
يا رجال العالم .. رفقا بالقوارير
المرأة .. خلقت من ضلع الرجل .. من ناحية القلب ... خلقت من ضلع اعوج .. اذا ذهبت الى اعلاه لتقيمه كسرته ..المرأة تكسبها بكلمة .. وتخسرها بكلمة ..
المرأة هى النبع الذى ينهل منه الرجل دوما .. هى الرحم .. هى الحضن الذى يحتويه صغيرا..هى الحبيبة .. هى الزوجة وهى السكن .. لماذا اصبح الرجال يتصيدوا لهن الاخطاء .. او لماذا صار الرجل و المرأة يتصيدون لبعضهم الاخطاء .. لماذا الحرب ؟ والفائز ماذا سيجنى بفوزه ؟
اللي عنده اجابه يلحقني بيها !!!

هو دا الكلام المظبوط
وشكرا ليك يا my only love علي مجهودك
ودي علشانك علشان متزعلش مني

لالالالالالالالالالا

خلاص
ربنا ما يجبش زعل

» لما البنت تكون عاوزة تتعرف عليك شوف بتعمل ايه؟؟