كان ليا واحد صاحبى تقدروا تقولوا اخويا كنا مع بعض فى البيت بس هو كان اكبر منى بشويه وكان دايما يقوللى ان الدنيا دى ماهى الا ساعات المهم هوه كبر واتعرف على بنت واتخطبوا بس يوم الخطوبه انا لقيته مش فرحان قولتله مالك قاللى لازم لما تيجى تفرح ماتفرحش اوى علشان لما تتصدم بالواقع ما تنجرحش اوى انا استغربت من كلامه ازاى واحد فى عز الشباب يقول الكلام ده المهم فاتت الايام وميعاد الفرح قرب نزلنا اشترينا باقى الحاجات اللى كانت ناقصه واشترينا البدله وكل حاجه كانت تمام كان فاضل على الفرح اسبوع وبعد يومين سمعت انه تعب فجأه طلعت علشان اشوفه وفعلا لقيته تعبان اوى وكان بينزف جامد المهم الوضع ده ما استمرش كتير لانه مات بعد كده بيومين يعنى قبل الفرح ب3 ايام والكلام ده كان من اربع سنين تقريبا بس انا لغايه دلوقتى لسه فاكره وفاكر كل كلمه قالهالى وبروح ازوره مره فى الاسبوع على الاقل
اسف للاطاله بس انا حسيت انى حرتاح لما افضفض معاكم
موضوع: قصه محزنه اتمنى المشاركه من الجميع 
الجمعة يوليو 11, 2008 3:53 am
