عدد الرسائل : 248 العمر : 33 علم الدوله : تاريخ التسجيل : 30/06/2008
موضوع: عارف الاحساس ده؟؟؟طيب جربته؟؟؟ الأربعاء أغسطس 27, 2008 11:26 am
السلام عليكم ورحمة الله وبركاته
عارفين الشعور ده عارفين لما تفتكر حاجه كده تحس انها بتشدك لذكريات انت مش عارف ايه الذكريات دى بتشدك لحاجه كده بحاجه انت مش عارفها وممكن تدخلك فى شعور كده غريب حزن مع الم مع فرحه الشعور ده عارفينه...
عارفين لما تسمع اغنيه كده تلاقى نفسك بتبتسم من غير سبب بس جواك حزين اوووى وتلاقى شعور بدأ يدخل جواك انت مش فاهمه وتحاول تفهم ايه ده وفى الاخر متفهمش
عارفين لما تروح تقف على البحر كده وتاخد نفس عمييييق وبعديها تلاقى نفسك بتبستم بس جواك حاجه مش قادره تخرج حاجه يمكن بتقطعك من جوه ومش عارف تتخلص منها عارفين الشعور ده
عارفين لما تبقى لسه صاحى من النوم اليوم لسه مبدأش اهو وتلاقى نفسك على السرير لسه وغصب عنك تنزل دمعه ممكن تفضل ساعتين تعيط على المخده المخده اللى تعبت مننا كل يوم كل يوم بتحس بينا قبل ما ننام ونقوم من على السرير ومحدش يعرف حاجه عارفين الشعور ده
عارفين لما تكونو اصحاب متجمعين فى يوم كده وكلكم مهيسين وبتضحكو واللى يشوفكم من بعيد لبعيد يقول الناس دى رايقه وحياتهم تمام اووى وانتو اصلا بتضحكو بدل ماتعيطو ومحدش حاسس بحاجه ومحدش فاهم حاجه لا وايه محدش هيقدر اصلا انه لا يفهم ولا يحس اللى جواكو
عارفين لما تكون الساعه 2 بالليل والبيت كله نايم بتبقى عايز تصرخ باعلى صوت كفااااااااااااااايه.....حرااااااااام كفايه بقى....ماخلاص... حرام عليكو اوى كده بس كفايه ايه ..متعرفش كفايه وخلاص
عارفين لماتكون راجع من يوم اسبيييشيييل اووى بالنسبه ليك وترجع..ماتحكيش لحد من اللى فى البيت على اللى حصل ويمكن ماتحكيش لحد خالص ويمكن اصلا محدش يسالك ولا يقولك تعالى يا حبيبى عملت ايه احكيلى ابسطنى معاك تبقى عايز حد جنبك اوووى يفرح معاك كده بس متلاقيش وتروح قبل ماتنام تراجع اليوم ده كده لقطات بسيطه وفى اخر يوم اجمل من رائع وانت جاى تنام..تقعد تعيط مع ان ناس كتييير يحسدوك على اليوم ده
عارفين لماتحس انك عايز مساعده من اى حد اى انسان اى مخلوق حاسس انك بتغرق بتغرق فى ايه مش عارف بس انت محتاج مساعده محتاج حد ينجدك مش عارف هتطلبها من مين وحتى لو طلبت مساعده هتقوله ايه عايزك تساعدنى وخلاص هيرد ويقولك اساعدك فى ايه هتقوله حاسس انى بغرق الحقنى هيقولك بتغرق فى ايه ماانت واقف قدامى اهو انت محتاج مساعده بس مساعده فى ايه مش عارف وتفضل تغرق ومش لاقى مساعده
عارفين لماتكون عايز تسمع كلمه معينه من شخص معين كلمه ممكن تكون كلمه من حرفين بس مش صعب عليه يقولها وتلاقيه ولا بيتكلم تحس انه تمثال ماتتكلم بقى طيب ما هو انا شايفك بتقولها مليون مره شايفها فى عينك حاسسها اوى عايز تسمعها بقى قووووووووول اتكلم ولما يتكلم تحس انه بيشفق عليك بيشفق عليا....!!! طيب لما انت كده بتحسسنى بيها ليه من الاول اصلا بتعيشنى فى الشعور ده ليه من الاول ولو للحظات لما ده مش حقيقه
عارفين لماتلاقى نفسك كده عايش شعور جميل اوى مع نفسك انت بتحب جديد انت عااااشق بس اللى يضحك مافيش حبيب انت لوحدك بتحب وخلاص هو انت اه بتحب بس اللى انت بتحبه ده مش موجود طيب هو فين.. معرفش
عارفين لما تبقى عايز تسمع صوت حد معين اوووى واحشك اوى عايز تسمع صوته تطمن عليه وتفضل مستنى مستنى ...مستنى وفى الاخر ميتصلش لا وبعدين يتصل حد تانى وتقول اخيرا...اهو وترد بلهفه وتسمع صوت حد تانى مش ده اللى كنت مستنيه